Հարավային Կորեան հրաժարվում է ռուսական նավթից

Հարավային Կորեան շարունակում է չներմուծել ռուսական նավթ՝ նույնիսկ ԱՄՆ պատժամիջոցների ժամանակավոր մեղմացման պայմաններում։ Այս մասին հայտնել է երկրի առևտրի, արդյունաբերության և էներգետիկայի նախարարությունը, որի հայտարարությունը մեջբերում է ТАСС-ը։

Էներգակիրների մատակարարման ճգնաժամը, որն առաջացել է Հորմուզի նեղուցի շրջափակման հետևանքով, ստիպել է Սեուլին որոնել այլընտրանքային աղբյուրներ։ Նավթ մատակարարող երկրների ցանկում ընդգրկված են ԱՄՆ-ը, Սաուդյան Արաբիան, ԱՄԷ-ն, Բրազիլիան և Կանադան, սակայն Ռուսաստանը այդ ցանկում բացակայում է։ Նշվում է, որ 2022 թվականի ապրիլից ի վեր կորեական որևէ ընկերություն ռուսական նավթ չի ներմուծել և նույնիսկ պատվեր չի ձևակերպել։

Միևնույն ժամանակ, Հարավային Կորեայի նախագահ Լի Չժե Մյոն-ը քաղաքացիներին կոչ է արել խնայել վառելիքը՝ նշելով, որ Մերձավոր Արևելքում զարգացող իրադարձությունները երկրի համար լուրջ էներգետիկ սպառնալիք են ստեղծել։ Սակայն, չնայած նավթից հրաժարվելուն, հարավկորեական LG Chem ընկերությունը նախատեսում է Ռուսաստանից ներմուծել մոտ 27 հազար տոննա նաֆթա՝ բենզինի արտադրության համար օգտագործվող հավելանյութ։