Ուկրաինայում հայտարարել են, թե ռուսական անօդաչուները թռչում են ՆԱՏՕ-ի տարածքով

Ուկրաինայի ԶՈւ Օդային ուժերի հաղորդակցությունների վարչության ղեկավար Յուրի Իգնատ-ը հայտարարել է, որ Ռուսաստանը, ենթադրաբար, օգտագործում է Ռումինիայի տարածքը՝ անօդաչու սարքերի թռիչքի համար։ Նրա խոսքով՝ նման դեպքեր բազմիցս արձանագրվել են։

Իգնատը նշել է, որ ռուսական դրոնները երբեմն շրջանցում են Ուկրաինայի տարածքը՝ խուսափելով հակաօդային պաշտպանության հնարավոր հարվածներից։ Նա ընդգծել է, որ այդ մարտավարությունը թույլ է տալիս անօդաչուներին շարժվել այլ երթուղիներով։

Ավելի վաղ ռուսական կողմում հնչել էին հակադարձ պնդումներ, ըստ որոնց՝ ուկրաինական անօդաչուները կարող են թռչել Բալթյան երկրների տարածքով՝ հարվածներ հասցնելու համար Ռուսաստանի շրջաններին։ Տարածաշրջանում նման հայտարարությունները շարունակաբար մեծացնում են լարվածությունը։