ԱՄՆ դեսպանը հայտարարել է, որ ԱՄՆ-ն դատապարտում է Իսրայելի հյուպատոսության վրա հարձակումը
Աշխարհ
Միացյալ Նահանգները դատապարտում է Ստամբուլում Իսրայելի հյուպատոսության վրա հարձակումը և գովաբանում է Թուրքիային արագ արձագանքի համար, հայտարարել է Անկարայում ԱՄՆ դեսպան Թոմաս Բարաքը։
Երեքշաբթի օրը Ստամբուլում Իսրայելի հյուպատոսության վրա զինված հարձակում է իրականացվել։ Հարձակվողներից մեկը սպանվել է, ևս երկուսը՝ վիրավորվել։ Հարձակման ժամանակ վիրավորվել են նաև երկու ոստիկան։ Հյուպատոսությունը գտնվում է Ստամբուլի Լևենթ թաղամասում՝ բիզնես կենտրոնի յոթերորդ հարկում։
«Միացյալ Նահանգները ամենախիստ կերպով դատապարտում է այսօր Ստամբուլում Իսրայելի հյուպատոսության վրա հարձակումը։ Դիվանագիտական առաքելությունների վրա հարձակումները հարձակում են միջազգային կարգի վրա և վիրավորանք ազգերը միավորող սկզբունքների նկատմամբ։
Մենք գովաբանում ենք Թուրքիային և նրա անվտանգության ուժերին արագ և վճռական արձագանքի համար», - գրել է դիվանագետը սոցիալական ցանցերում։
ՈՒՂԻՂ ԵԹԵՐ
Ամենադիտված 
«Ակնկալում ենք հրապարակային պարզաբանում և ներողություն». Բելգիայի հայ համայնքը վիրավորվել ու հիասթափվել է Վաչե Թովմասյանից
