Կատուները միացրել են տոստերը և հրդեհել բնակարանը

Մոսկվայի մարզի Իստրա քաղաքում բնակարանում հրդեհ է բռնկվել՝ ենթադրաբար ընտանի կենդանիների պատճառով։ Դեպքի մասին հայտնում է 360.ru-ը։

Ըստ նախնական տվյալների՝ բնակարանի տիրուհին կարծում է, որ իր երկու կատուները խաղալիս պատահաբար միացրել են տոստերը։ Արդյունքում խոհանոցում բռնկվել է հրդեհ և առաջացել ուժեղ ծուխ, որը նկատել են հարևանները և ահազանգել փրկարարներին։

Հրշեջները արագ ժամանել են դեպքի վայր, մուտք գործել բնակարան և մարել կրակը։ Բարեբախտաբար, միջադեպի հետևանքով տուժածներ չկան։ Նմանատիպ դեպք ավելի վաղ գրանցվել էր նաև Մերձմոսկովյան Օդինցովոյում, որտեղ կատուները պատահաբար միացրել էին գազօջախը։