Փառաբանելով մայրությունը, գեղեցկությունը և ուժը․ Պլեխանովի անվան Ռուսաստանի տնտեսագիտական համալսարանի Երևանի մասնաճյուղում նշվեց Մայրության և գեղեցկության օրը
Գիտություն և Մշակույթ
Ապրիլի 7-ին՝ գարնան ամենագեղեցիկ օրերից մեկին, երբ բնությունն արթնանում է, ծառերը ծաղկում են, և օդը լցվում է ջերմությամբ, Հայաստանում նշվում է ամենագեղեցիկ և լուսավոր տոներից մեկը՝ Մայրության և գեղեցկության օրը։ Այս տոնը առանձնահատուկ նշանակություն ունի հայկական մշակույթում և արդեն դարձել է մեր մասնաճյուղի գեղեցիկ ու սպասված ավանդույթներից մեկը։
Պլեխանովի անվան Ռուսաստանի տնտեսագիտական համալսարանի Երևանի մասնաճյուղում այս տարի նույնպես կազմակերպվեց տոնական միջոցառում, որը նախաձեռնել էին քոլեջի ուսանողները՝ հայոց լեզվի և գրականության դասախոս Արև Խաչատրյանի ղեկավարությամբ։
Ուսանողները իրենց ելույթներում անդրադարձան մոր անփոխարինելի դերին հայ մշակույթում՝ ընդգծելով նրա կարևորությունը թե՛ ընտանիքում, թե՛ ազգային արժեքների փոխանցման գործում։
Այս օրը ևս մեկ առիթ է՝ շնորհակալություն հայտնելու մեր սիրելի կանանց՝ նրանց անսահման սիրո, ջերմության և նվիրվածության համար, որոնց շնորհիվ ձևավորվում է ապագա սերունդը։
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
