Կոշտ հայտարարություն ՌԴ-ից՝ Ուկրաինայի խորհրդարանի հասցեին

Ռուսաստանի Պետդումայի պաշտպանության հանձնաժողովի փոխնախագահ Ալեքսեյ Ժուրավլյովը կոշտ արձագանք է տվել Ուկրաինայի Գերագույն Ռադայի ներկայացուցիչների հայտարարություններին՝ առաջարկելով «զսպել» նրանց հռետորաբանությունը։ Այս մասին հայտնում է News.ru-ն։

Նրա խոսքը վերաբերում էր Ուկրաինայի խորհրդարանի արտաքին քաղաքականության հանձնաժողովի ղեկավար Ալեքսեյ Մերեժկոյի հայտարարությանը, ըստ որի՝ Ուկրաինայի զինված ուժերը պատրաստ են շարունակել պատերազմը ևս 10 տարի։ Ժուրավլյովը քննադատել է նման դիրքորոշումը՝ նշելով, որ նման հայտարարություններ անում են այն մարդիկ, որոնք հեռու են մարտական գոտուց։

Նա ընդգծել է, որ նման կոշտ հռետորաբանությունը միայն սրում է իրավիճակը՝ հավելելով, որ պետք է քայլեր ձեռնարկել այն զսպելու համար։