Առեղծվածային անհետացում․ Պուտինի կողմից պարգևատրված հերոսը կորել է

Ռուսաստանի նախագահ Վլադիմիր Պուտինի կողմից անձամբ պարգևատրված Ռուսաստանի հերոս Ալեքսեյ Ասիլխանովը անհետացել է առեղծվածային պայմաններում։ Այս մասին հայտնում է News.ru-ն՝ ներկայացնելով դեպքի նոր մանրամասները։

Նրա կնոջ՝ Վալերիայի խոսքով, անհետացման օրը Ասիլխանովը լավ տրամադրություն է ունեցել, սակայն վարքագծում եղել են տարօրինակություններ։ Նա ասել է, որ գնում է աշխատանքի, թեև քոլեջում, որտեղ դասավանդում էր, այդ օրը դասեր չեն եղել։

Ասիլխանովը անհետացել է ապրիլի 3-ին․ նա տնից դուրս է եկել պայուսակով և այլևս չի վերադարձել։ Նրա ընտանիքը շարունակում է սպասել և հույս ունենալ, որ նա կվերադառնա տուն։