Հյուսիսային Կորեայի նոր հրթիռը թռել է մոտ 700 կմ

Հյուսիսային Կորեայի կողմից արձակված վերջին հրթիռը անցել է մոտավորապես 700 կմ, հաղորդում է Yonhap լրատվական գործակալությունը՝ հղում անելով Կորեայի Հանրապետության Շտաբների պետերի միացյալ կոմիտեին (JCS):

Սեուլի տվյալներով՝ չորեքշաբթի օրը՝ տեղական ժամանակով մոտավորապես ժամը 14:20-ին (Մոսկվայի ժամանակով ժամը 08:20-ին), Վոնսան շրջանից դեպի Ճապոնական ծով կարճ հեռահարության բալիստիկ հրթիռ է արձակվել:

Տեղական ժամանակով կեսօրից առաջ Հյուսիսային Կորեան ևս մի քանի կարճ հեռահարության բալիստիկ հրթիռ է արձակել, հաղորդում է JCS-ը: Այսօր առավոտյան մոտավորապես ժամը 08:50-ին արձակված հրթիռները անցել են մոտավորապես 240 կմ: Կորեայի Հանրապետության զինված ուժերը կարծում են, որ դրանք արձակվել են KN-23 համակարգից:

Սեուլի տվյալներով՝ հրթիռների արձակումներ տեղի են ունեցել նաև նախորդ օրը: Ենթադրվում է, որ փորձարկվել է KN-25 600 մմ բազմակի արձակման հրթիռային համակարգ:

Կորեայի Հանրապետության նախագահի աշխատակազմի ազգային անվտանգության վարչությունն այսօր առավոտյան արտակարգ նիստ է անցկացրել և դատապարտել է բալիստիկ հրթիռների արձակումը՝ որպես ՄԱԿ-ի Անվտանգության խորհրդի բանաձևերի խախտում: