Ալիևը արձագանքել է ԱՄՆ–Իրան հրադադարին․ շնորհավորել է Թեհրանին
Ադրբեջան
Ադրբեջանի նախագահ Իլհամ Ալիևը հեռախոսազրույց է ունեցել Իրանի նախագահ Մասուդ Պեզեշկյանի հետ և շնորհավորել նրան ԱՄՆ-ի հետ ձեռք բերված հրադադարի կապակցությամբ։ Այս մասին հաղորդում է apa.az պորտալը՝ ներկայացնելով պաշտոնական տեղեկատվությունը։
Հրապարակման համաձայն՝ Ալիևը ողջունել է Իրանի և Միացյալ Նահանգների միջև հայտարարված կրակի դադարեցումը։ Իր հերթին Պեզեշկյանը շնորհակալություն է հայտնել Ադրբեջանին՝ Իրանի համար ցուցաբերած մարդասիրական աջակցության համար՝ ընդգծելով երկկողմ հարաբերությունների կարևորությունը։
Ավելի վաղ Ռուսաստանի նախագահի խոսնակ Դմիտրի Պեսկովը հայտարարել էր, որ Մոսկվան ողջունում է Վաշինգտոնի և Թեհրանի որոշումը՝ խուսափելու ռազմական էսկալացիայից։ Նրա խոսքով՝ Ռուսաստանը հույս ունի, որ կողմերի միջև ուղիղ շփումները կշարունակվեն մոտ ապագայում։
ՈՒՂԻՂ ԵԹԵՐ
Ամենադիտված 
«Ակնկալում ենք հրապարակային պարզաբանում և ներողություն». Բելգիայի հայ համայնքը վիրավորվել ու հիասթափվել է Վաչե Թովմասյանից
