Ռուսաստանում արձագանքել են Զելենսկու հայտարարությանը․ Մոսկվայում դա անվանել են «քաղաքական խաղ»

Ռուսաստանի Պետդումայում արձագանքել են Ուկրաինայի նախագահ Վլադիմիր Զելենսկու՝ հրադադարի վերաբերյալ հայտարարությանը՝ այն որակելով որպես քաղաքական քայլ։ Այս մասին հայտարարել է Պետդումայի միջազգային հարցերի հանձնաժողովի փոխնախագահ Ալեքսեյ Չեպան, նրա խոսքերը փոխանցում է «Գազետա.ru»-ն։

Չեպայի խոսքով՝ Զելենսկու հայտարարությունները, որոնք արվել են Մերձավոր Արևելքում հրադադարի ֆոնին, ուղղված են ժամանակ շահելուն՝ ուկրաինական բանակի վերազինման համար։ Նա ընդգծել է, որ Ռուսաստանը դեռ 2014 թվականից սկսած ներկայացրել է իր պայմանները ինչպես խաղաղության համաձայնագրի, այնպես էլ հրադադարի համար։

Միաժամանակ, ուկրաինական «Страна.ua» պարբերականը հայտնել է, որ Իրանում ԱՄՆ ռազմական գործողությունների ֆոնին Զելենսկու՝ Ռուսաստանի «հյուծման» ռազմավարությունը ձախողվել է։ Հրապարակման համաձայն՝ Ուկրաինան կորցնում է արևմտյան աջակցությունը, մինչդեռ Ռուսաստանը շարունակում է շահույթ ստանալ նավթի և գազի վաճառքից։