Սահմանադրական դատարանում հյուրընկալվել է Շվեդիայի Ռիկսդագի պատվիրակությունը

 

Ողջունելով հյուրերին` Սահմանադրական դատարանի նախագահ Արման Դիլանյանը բարձր է գնահատել ժողովրդավարության զարգացմանն ու ամրապնդմանն ուղղված Հայաստանի Հանրապետության և Շվեդիայի Թագավորության օրենսդիր մարմինների համագործակցությունը:

 

Ռիկսդագի պատգամավորները նշել են, որ Հայաստանի Հանրապետության գործընկերների հետ համագործակցության կարևոր ոլորտ է ժողովրդավարության և մարդու իրավունքների խթանումը: Հաշվի առնելով Շվեդիայի Թագավորության և Հայաստանի Հանրապետության դատաիրավական ոլորտի տարբերությունները՝

Ռիկսդագի պատգամավորները հետաքրքրվել են Հայաստանի դատաիրավական համակարգի առանձնահատկություններով:

 

Հյուրերի խնդրանքով Սահմանադրական դատարանի նախագահը ներկայացրել է ՀՀ Սահմանադրական դատարանի կառուցվածքը, գործունեության առանձնահատկությունները, պետական այլ մարմինների հետ փոխհարաբերությունների և համագործակցության սկզբունքները: Արման Դիլանյանը ներկայացրել է նաև Սահմանադրական դատարանի ստեղծման պատմական ուղին, ինչպես նաև Բարձր դատարանի գործունեությունը կանոնակարգող օրենսդրության զարգացումներն ու դրանց ազդեցությունը սահմանադրական արդարադատության արդյունավետության բարձրացման վրա:

 

Հանդիպման ընթացքում քննարկվել են փոխադարձ հետաքրքրություն ներկայացնող մի շարք հարցեր: