Նավթային հսկաների բաժնետոմսերը փլուզվել են․ ԱՄՆ–Իրան հրադադարը շրջել է շուկաները

ԱՄՆ-ի և Իրանի միջև հայտարարված հրադադարի ֆոնին կտրուկ անկում են գրանցել եվրոպական խոշոր էներգետիկ ընկերությունների բաժնետոմսերը։ Այս մասին հայտնում է Reuters-ը՝ հղում անելով բորսայական տվյալներին՝ նշելով, որ շուկան արձագանքել է էներգակիրների գների անկմանը։

Հաղորդվում է, որ BP, Shell, Eni, TotalEnergies և Repsol ընկերությունների բաժնետոմսերը նվազել են մոտ 4.7–6.6 տոկոսով, իսկ Equinor-ը կորցրել է մինչև 9.5 տոկոս, Var Energi-ն՝ շուրջ 12 տոկոս, Aker BP-ն՝ 8.8 տոկոս։ Միաժամանակ հակառակ միտում է նկատվել ավիացիոն ոլորտում․ United Airlines, Delta Air Lines և American Airlines ընկերությունների բաժնետոմսերը աճել են ավելի քան 11.5 տոկոսով՝ կապված րմուզի նեղուցի բացման և ավիավառելիքի արտահանման վերականգնման սպասումների հետ։

Միևնույն ժամանակ փորձագետները զգուշացնում են, որ հրադադարը կարող է լինել ժամանակավոր։ Տնտեսագետ Եվգենի Կոգանի խոսքով՝ ԱՄՆ-ի և Իրանի պահանջները միմյանց նկատմամբ հաճախ հակասական են, ինչը կարող է կրկին հանգեցնել լարվածության աճի։ Նրա գնահատմամբ՝ հնարավոր նոր էսկալացիան կարող է կրկին բարձրացնել էներգակիրների գները՝ շահավետ դառնալով նավթագազային ընկերությունների համար։