ԱՄՆ-ում ՀՀ դեսպանությունը հայտարարություն է տարածել

ԱՄՆ-ում ՀՀ դեսպանությունն իրազեկում է, որ հյուպատոսական հարցերով ընդունելությունն իրականացվում է միայն նախապես ամրագրված այցերի հիման վրա։

 

Ընդունելության ժամերը՝ երկուշաբթիից հինգշաբթի՝ 09:30-13:00։

 

«Այց ամրագրելու համար անհրաժեշտ է մուտք գործել դեսպանության պաշտոնական կայքէջ՝ https://usa.mfa.am/hy/ և հիմնական մենյուից սեղմել՝ «Ամրագրել ժամադրություն»։

 

Բացվող պատուհանում ընտրել Ձեզ անհրաժեշտ ծառայությունը, այդ թվում՝

 

• Անձնագրի տրամադրում / փոխանակում

• Մուտքի արտոնագրի տրամադրում

• Վերադարձի վկայականի տրամադրում

• Նոտարական ծառայություններ

• Տեղեկանքների տրամադրում

 

Ընտրելով համապատասխան ծառայությունը՝ կարող եք ամրագրել ազատ ժամ և լրացնել անհրաժեշտ տվյալները (անուն, ազգանուն, ծննդյան ամսաթիվ, էլ. հասցե, հեռախոսահամար)։

 

Հարկ է նկատի ունենալ, որ հյուպատոսական ծառայությունների և կատարվող գործողությունների համար գանձվող պետական տուրքը կարող եք վճարել բացառապես օնլայն` E-Payments համակարգի միջոցով՝ https://www.mfa.am/hy/fees/

 

Հյուպատոսական հարցերով կարող եք ստանալ խորհրդատվություն նաև զանգի կամ էլեկտրոնային փոստին հաղորդագրություն գրելու միջոցով՝

 

հեռախոսազանգն աշխատանքային օրերին՝ ժամը 14:30–16:30

հեռ.` +1 (202) 319-1976 (0 կամ 1)

 

էլեկտրոնային փոստ՝

[email protected] (անհրաժեշտ է նշել հարցը, անունը, ազգանունը և հեռախոսահամարը)»,- ասվում է հաղորդագրության մեջ։