Պակիստանը պատրաստ է ապահովել ԱՄՆ-Իրան բանակցողների լիակատար անվտանգությունը

Պակիստանի իշխանությունները պատրաստ են ապահովել Իսլամաբադում ԱՄՆ-Իրան բանակցություններին ժամանող օտարերկրյա պատվիրակությունների լիակատար անվտանգությունը: Այս մասին Պակիստանի ներքին գործերի նախարար Մոհսին Ռազա Նաքվին ԱՄՆ-Իրան բանակցություններից առաջ Պակիստանում ԱՄՆ դեսպան Նատալի Բեյքերին ասել է.

«Մշակվել է համապարփակ ծրագիր՝ բոլոր օտարերկրյա հյուրերի բացարձակ անվտանգությունն ապահովելու համար», - նախարարի խոսքերն է մեջբերել «Դոն» թերթը։

Թերթի տվյալներով՝ 30 ամերիկացի զինվորականներից բաղկացած առաջնային խումբն արդեն ժամանել է Իսլամաբադ՝ անվտանգության միջոցառումները վերանայելու համար։

Ինչպես ավելի վաղ հաղորդվել էր, Պակիստանի մայրաքաղաքի վարչակազմը ապրիլի 9-ը և 10-ը հայտարարել է պետական ​​տոներ՝ բանակցությունների կապակցությամբ։ Իսլամաբադի ոստիկանությունը սահմանափակել է մուտքը այսպես կոչված «կարմիր գոտի», որտեղ գտնվում է կառավարական համալիրը։ Այս միջոցառումները ձեռնարկվել են օտարերկրյա պատվիրակությունների անվտանգությունն ապահովելու համար։