Ռուսաստանը պատրաստվում է Լուսնի վրա բազա կառուցել․ ընտրվել են ամենահարմար տարածքները

Ռուսաստանը ծրագրում է Լուսնի վրա բազա կառուցել, սակայն նախ անհրաժեշտ է որոշել դրա տեղակայման ամենահարմար վայրը։ Այս մասին հայտարարել է «Ռոսկոսմոս»-ի տիեզերական համակարգերի դեպարտամենտի փոխտնօրեն Դենիս Կուտովոյը, նրա խոսքերը փոխանցում է KP.RU-ն։

Կուտովոյի խոսքով՝ արդեն գոյություն ունի ռուսական լուսնային բազայի նախագիծ, սակայն հիմնական խնդիրներից մեկը ռեսուրսներով հարուստ տարածքի ընտրությունն է։ Նա ընդգծել է, որ առավել նպատակահարմար տարբերակը Լուսնի բևեռներն են, քանի որ այնտեղ առկա է ավելի շատ ջուր, ինչը կարևոր է ինչպես խմելու, այնպես էլ թթվածնի և հրթիռային վառելիքի արտադրության համար։

Նշվում է, որ 2028 թվականին նախատեսվում է «Լունա-26» սարքի արձակումը, որը կկատարի Լուսնի մակերևույթի քարտեզագրում։ Դրանից հետո դեպի Լուսին կուղարկվեն հետազոտական սարքեր, որոնք կվայրէջք կատարեն հյուսիսային և հարավային բևեռներում՝ ուսումնասիրելով հողը և ընտրելով ապագա բազայի համար ամենահարմար վայրը։ Ավելի վաղ նաև հայտարարվել էր, որ մինչև 2032 թվականը Ռուսաստանը կարող է Լուսնի վրա կառուցել միջուկային էներգետիկ կայան։