Ռոբերտ Քոչարյանին չենք միանա, իսկ Կարապետյանի հետ՝ կքննարկենք․ Գագիկ Ծառուկյան

Հաղթանակի դեպքում ես վարչապետ չեմ լինելու»,-լրագրողների հետ զրույցում  հայտարարեց ԲՀԿ առաջնորդ Գագիկ Ծառուկյանը՝ միաժամանակ տեղեկացնելով, որ ունի վարչապետի չորս թեկնածու։

«Ես հիմա արդեն չորս  թեկնածու ունեմ։ Ես չկամ, ես չկամ։ Նա միանձնյա չի ընտրվելու։   Ես էսօր անվանական ոչ ոքի խոսք չեմ տվել։ Մենք էսօր շատ ծանր վիճակում ենք, վարչապետ լինելը  հաճույք չի,  չարչարանք ա, ծանր աշխատանք։ Իմ կուսակցությամբ հետևելու ենք՝ ով կարող է դա անել»,- հավելեց Ծառուկյանը։

Նշենք, որ  քիչ հետո տեղի կունենա  «Բարգավաճ Հայաստան կուսակցության համագումարի և «Առաջարկ Հայաստան»-ի թիմի շնորհանդեսը։

«Քանի որ ես շփվում եմ ժողովրդի հետ ամեն օր, լսել եմ մարդկանց, որ ասում են՝ ունևոր մեկը լիներ, կայացած, բայց անձնական հարց չդներ, պաշտոնի ձգտեր,  անձնական ինչ-որ պաշտոնի համար էլ չձգտում չունենար, մենք  էլ համախմբվեինք իր կողքը, ինքը կարողանար ձևավորել, կազմակերպել, գնայինք ընտրության , վիճակը լավ կլիներ։ Դրա համար, ես այսօր ասում եմ, որպես Գագիկ Ծառուկյան, անձնական ոչ մի հարց չունեմ, ոչ մի պաշտոնի հակում չունեմ,   հավաքել եմ մարդկանց, այն մարդկանց, որ տարբեր ոլորտի ներկայացուցիչներ են, արդյունավետ աշխատողներ են, ձեռագիր ունեն, այս սկզբունքով մենք շարժվում ենք առաջ»,- ասաց Գագիկ Ծառուկյանը։

Գագիկ Ծառուկյանը նաև հայտարարեց, որ Ռոբերտ Քոչարյանի ուժի հետ չի միանա։

«Եթե Ռոբերտ Քոչարյանը պետք ա լինի վարչապետ, ուրեմն չենք միանա»,- ասաց նա։

Սամվել Կարապետյանին միանալու հարցը կքննարկեն։