Բրյուսելում փակվել է ուկրաինացի փախստականների խոշորագույն կենտրոնը

Բելգիայի մայրաքաղաքային տարածաշրջանի իշխանությունները փակել են ուկրաինացի փախստականների «Ձայնը ուկրաինացիների» («Golos Ukraintsev») խոշորագույն հասարակական կենտրոնը՝ առանց այլընտրանքային տարածք տրամադրելու։ Այս մասին Euractiv-ին հայտնել է կենտրոնի համակարգող Պավել Կոշկան։

Կենտրոնը գործել է Բրյուսելի եվրոպական թաղամասում շուրջ չորս տարի՝ տրամադրելով հոգեբանական աջակցություն, իրավաբանական խորհրդատվություն, լեզվական դասընթացներ և տարբեր սոցիալական ծառայություններ։ Այն փակվել է տարածաշրջանային պետական ծառայության որոշմամբ՝ քաղաքական ճգնաժամի պայմաններում, երբ Բրյուսելը երկար ժամանակ մնացել էր առանց ընտրված կառավարության։ Որոշմանը նախորդել էր նաև ֆինանսավորման կրճատում՝ բյուջետային սահմանափակումների շրջանակում։

Միևնույն ժամանակ, փորձագետները նշում են, որ բազմաթիվ ուկրաինացի փախստականներ կարող են չվերադառնալ հայրենիք նույնիսկ հակամարտության ավարտից հետո։ Քաղաքագետ Անդրեյ Զոլոտարև-ի խոսքով՝ տարիների ընթացքում մարդիկ ինտեգրվում են նոր միջավայրում, ստանում օրինական կարգավիճակ և հաճախ նախընտրում են մնալ՝ ինչի արդյունքում վերադարձի ցանկություն ունեցողների թիվը զգալիորեն նվազում է։