Իրանը չի բացառում, որ բանակցությունները կարող են լինել ԱՄՆ-ի գործիք՝ ժամանակ շահելու համար
Աշխարհ
Իրանը չի բացառում, որ Իսլամաբադում կայանալիք բանակցությունները կարող են ԱՄՆ-ի կողմից ժամանակ շահելու և հարձակման նախապատրաստվելու գործիք լինել, ՏԱՍՍ-ին ասել է Հնդկաստանում Գերագույն առաջնորդի ներկայացուցիչ Աբդուլ Մաջիդ Հակիմ Իլահին։
«Հնարավոր է՝ այս բանակցությունները միջոց և գործիք են ավելի շատ ժամանակ շահելու, «թարմանալու», ավելի պատրաստված լինելու համար, և ԱՄՆ-ը կհարձակվի մեզ վրա։ Իհարկե, մեր և Ամերիկայի Միացյալ Նահանգների միջև վստահություն չկա», - ասել է նա։
Ապրիլի 7-ին ԱՄՆ նախագահ Դոնալդ Թրամփը հայտարարեց Իրանի հետ երկշաբաթյա փոխադարձ հրադադարի մասին։ Նրա խոսքով՝ կողմերը լուծել են գրեթե բոլոր վիճելի հարցերը, և Վաշինգտոնը Թեհրանի 10 կետանոց առաջարկները դիտարկում է որպես հետագա բանակցությունների «աշխատանքային հիմք»։
Թրամփը հայտարարեց, որ որոշումը կայացվել է Հորմուզի նեղուցը բացելու Իրանի պատրաստակամության հիման վրա։ Թեհրանը, իր հերթին, համաձայնել է դադարեցնել «պաշտպանական հարձակումները», եթե Իսլամական Հանրապետության դեմ հարվածներ չլինեն։ Պակիստանի վարչապետ Շահբազ Շարիֆը, որը կողմերի միջև միջնորդ է, նրանց հրավիրել է բանակցությունների ապրիլի 10-ին։ Իրանի պետական հեռուստատեսության տվյալներով՝ սպասվում է, որ դրանք կլինեն ուղղակի։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
