Իսրայելի պաշտպանության բանակը հայտնել է «Հեզբոլլահ»-ի ավելի քան 40 անդամի սպանության մասին

Իսրայելի պաշտպանության ուժերը (ԻՊՈւ) հայտարարել են, որ անցած շաբաթվա ընթացքում սպանել են շիական «Հեզբոլլահ» շարժման ավելի քան 40 անդամի և հարվածել Լիբանանում գտնվող նրա ռազմական ենթակառուցվածքների ավելի քան 50 կետի։

«Անցած շաբաթվա ընթացքում 91-րդ դիվիզիայի հրամանատարության ներքո սպանվել է «Հեզբոլլահ»-ի ավելի քան 40 ահաբեկիչ, և ոչնչացվել է նրա ենթակառուցվածքների ավելի քան 50 կետ», - ասվում է ԻՊՈւ մամուլի ծառայության հայտարարության մեջ։

Իրանի և ԱՄՆ-ի միջև երկշաբաթյա հրադադարի մասին հայտարարությունից հետո «Հեզբոլլահ»-ը դադարեցրել է Իսրայելի դեմ գործողությունները։ Չորեքշաբթի օրը Իսրայելը զանգվածային հարված է հասցրել Բեյրութի և հարավային Լիբանանի քաղաքներին, որից հետո շիական դիմադրությունը հինգշաբթի օրը վերսկսել է ռազմական գործողությունները։