Կրեմլը բացահայտել է Պուտինի հատուկ ներկայացուցչի ԱՄՆ այցի նպատակը

Կրեմլը հայտարարել է, որ Ռուսաստանի նախագահի հատուկ ներկայացուցիչ Կիրիլ Դմիտրիևի այցը ԱՄՆ կապված է ոչ թե ուկրաինական բանակցությունների, այլ տնտեսական համագործակցության ակտիվացման հետ։ Այս մասին հայտնում է РИА Новости-ը։

ՌԴ նախագահի խոսնակ Դմիտրի Պեսկովի խոսքով՝ Դմիտրիևը ղեկավարում է տնտեսական հարցերով աշխատանքային խումբը և ԱՄՆ-ում շարունակում է իր գործունեությունը հենց այդ ուղղությամբ։

Ավելի վաղ հայտնի էր դարձել, որ Դմիտրիևը մեկնել է ԱՄՆ, իսկ ՌԴ ԱԳ նախարար Սերգեյ Լավրովը նշել էր, որ Մոսկվայի և Վաշինգտոնի միջև ուկրաինական հարցով շփումները շարունակվում են փակ և գաղտնի ձևաչափով։