Կրեմլը հայտնել է՝ արդյոք հրադադարը կերկարաձգվի Զատկից հետո

Ռուսաստանը ցանկանում է երկարատև խաղաղություն, այլ ոչ թե երկարաձգված հրադադար։ Այս մասին ճեպազրույցի ժամանակ հայտարարել է Ռուսաստանի նախագահ Վլադիմիր Պուտինի մամուլի քարտուղար Դմիտրի Պեսկովը։

«Հրադադարը մարդասիրական բնույթ ունի։ Սուրբ Զատկի պայծառ տոնը տոն է մեր երկրի, Ուկրաինայի, ուկրաինացի ժողովրդի համար։ Սա առաջինը։ Երկրորդ, ինչպես մենք բազմիցս ասել ենք, և ինչպես ասել է նախագահ Պուտինը, մենք չենք ուզում հրադադար, մենք ուզում ենք երկարատև խաղաղություն, կայուն խաղաղություն, և այդ խաղաղությունը կարող է գալ այսօր, եթե Ուկրաինայի նախագահ Զելենսկին ստանձնի պատասխանատվությունը և կայացնի համապատասխան որոշում։ Սա արդեն բազմիցս ասվել է», - ասել է Կրեմլի խոսնակը։