Կինը մոլորվել է անտառում և պատմել առանց սնունդ ու ջուր անցկացրած օրերի մասին

Հնդկաստանում 36-ամյա Շարանյան չորս օր անցկացրել է անտառում՝ առանց սննդի և գրեթե առանց ջրի, սակայն կարողացել է ողջ մնալ։ Այս մասին հայտնում է Times of India-ը։

Տեղեկությունների համաձայն՝ կինը մոլորվել է, երբ հետ է մնացել լեռ բարձրացող խմբից։ Սկզբում նա ունեցել է միայն մեկ բանան և մի շիշ ջուր, որոնք արագ սպառվել են, իսկ հետագա օրերին ջուր է խմել անտառի առվակից։ Չնայած դժվար պայմաններին՝ նա նշել է, որ չի վախեցել և նույնիսկ հիացել է բնության գեղեցկությամբ։

Չորս օր անց Շարանյան կարողացել է լսել մարդկանց ձայները և շարժվել դրանց ուղղությամբ, ինչի արդյունքում դուրս է եկել բնակավայր և փրկվել։ Նրա խոսքով՝ այս փորձը չի վախեցրել իրեն, և նա մտադիր է շարունակել արշավները նաև ապագայում։