Գիտնականները շոկի մեջ են․ շիմպանզեները սկսել են սպանել իրենց նախկին ընկերներին

Ուգանդայի Կիբալե ազգային պարկ-ում գիտնականները արձանագրել են աննախադեպ երևույթ․ շիմպանզեների խոշոր խումբը բաժանվել է երկու մասի, ինչից հետո սկսվել են համակարգված և մահաբեր հարձակումներ։ Այս մասին հայտնում է Reuters-ը։

Տարիներ շարունակ կայուն համարվող համայնքը, որը կազմում էր մոտ 200 կենդանի, 2017-2018 թվականներին բաժանվել է երկու խմբի։ Դրանից հետո մեկ խումբը սկսել է հարձակումներ իրականացնել մյուսի դեմ՝ թիրախավորելով հատկապես մեծահասակ արուներին և փոքրերին։ Ընդհանուր առմամբ արձանագրվել է առնվազն 28 սպանություն։

Գիտնականների կարծիքով՝ այս ագրեսիան կարող է պայմանավորված լինել խմբի չափի մեծացմամբ, սննդի և զուգավորման համար մրցակցության աճով, ինչպես նաև հիվանդություններով, որոնք խախտել են սոցիալական հավասարակշռությունը։ Հետազոտողները նշում են, որ սա առաջին հստակ փաստագրված դեպքերից է, երբ շիմպանզեների միևնույն համայնքի անդամները վերածվել են միմյանց թշնամիների։