Բացահայտվել է Իրանի հետ բանակցություններում ԱՄՆ-ի պահանջներից մեկը

ԱՄՆ-ը մտադիր է Իրանի հետ սպասվող բանակցությունների ընթացքում բարձրացնել իր քաղաքացիների ազատ արձակման հարցը։ Այս մասին հայտնում է The Washington Post-ը՝ հղում անելով իր աղբյուրներին։

Տեղեկությունների համաձայն՝ խոսքը վերաբերում է Իրանում պահվող առնվազն վեց ամերիկացի քաղաքացիների։ Սակայն դեռ պարզ չէ, թե որքան վճռականորեն Վաշինգտոնը կպնդի այս պահանջը, և հնարավոր է՝ բարդ բանակցությունների դեպքում հարցը հետաձգվի։

Սպիտակ տունը պաշտոնապես չի մեկնաբանել այս տեղեկությունը՝ նշելով, որ բանակցությունները շարունակվում են և չեն քննարկվում մամուլի միջոցով։ Նշվում է, որ ԱՄՆ-ի և Իրանի միջև բանակցությունները կարող են կայանալ Իսլամաբադում մոտ օրերս։