Թրամփը և Նեթանյահուն «լարված» հեռախոսազրույց են ունեցել. CNN

ԱՄՆ նախագահ Դոնալդ Թրամփը հինգշաբթի «լարված» հեռախոսազրույց է ունեցել Իսրայելի վարչապետ Բենիամին Նեթանյահուի հետ, հաղորդում է CNN-ը՝ հղում անելով հեռախոսազրույցին ծանոթ ամերիկյան և իսրայելական աղբյուրներին։

Զրույցը տեղի է ունեցել Լիբանանի հետ ուղղակի հրադադարի բանակցություններ սկսելու Իսրայելի մտադրությունից կարճ ժամանակ առաջ։

Իսրայելական աղբյուրը հայտնել է, որ Նեթանյահուն հասկացել է, որ եթե ինքը Լիբանանի հետ ուղղակի բանակցությունների կոչ չանի, Թրամփը կարող է պարզապես հայտարարել հրադադարի մասին։

Դա այս շաբաթ երկու համաշխարհային առաջնորդների միջև առնվազն երրորդ հեռախոսազրույցն էր, որի ընթացքում Լիբանանը առանցքային թեմա էր։ Երեքշաբթի, նախքան Թրամփը կհայտարարեր Իրանի հետ երկշաբաթյա հրադադարի մասին, առաջնորդները զրուցել են։ Ըստ իսրայելական աղբյուրի՝ Նեթանյահուն Թրամփին կոչ է արել թողնել Լիբանանը Իրանի հետ հրադադարի համաձայնագրից դուրս։ Նրանք կրկին զրուցել են մեկ օր անց, երբ հայտն է դարձել,որ Իսրայելի հարվածների հետևանքով զոհվել է 303 մարդ, Թրամփը չորեքշաբթի Նեթանյահուին խնդրել է կրճատել Լիբանանում «Հըզբոլլահի» դեմ հարձակումները։

Հինգշաբթի տեղի է ունեցել երրորդ հեռախոսազրույցը, որից առաջ Նեթանյահուն հայտարարել է ուղղակի բանակցությունների մասին։

CNN-ի հարցմանը ի պատասխան՝ Նեթանյահուի գրասենյակից հայտնել են, որ Թրամփի հետ «լարված» հեռախոսազրույցի նկարագրությունը «կեղծ լուր» է, և որ դա «ընկերական» բանավեճ է եղել։