CNN․ Չինաստանը պատրաստվում է Իրանին փոխանցել նոր ՀՕՊ համակարգեր

ԱՄՆ հետախուզության տվյալներով՝ Չինաստանը առաջիկա շաբաթներին կարող է Իրանին մատակարարել նոր հակաօդային պաշտպանության համակարգեր։ Այս մասին հայտնում է CNN-ը՝ հղում անելով իր աղբյուրներին, նշելով, որ խոսքը կարող է լինել նաև շարժական զենիթահրթիռային համալիրների (MANPADS) մասին։

Աղբյուրների համաձայն՝ Պեկինը փորձում է մատակարարումները կազմակերպել երրորդ երկրների միջոցով՝ թաքցնելով դրանց իրական ծագումը։ Սա դիտարկվում է որպես տարածաշրջանային լարվածության հնարավոր սրում առաջացնող քայլ, հատկապես հաշվի առնելով Մերձավոր Արևելքում շարունակվող բարդ իրավիճակը։

Մինչդեռ Չինաստանի դեսպանատունը Վաշինգտոնում կտրականապես հերքել է այդ տեղեկությունները՝ դրանք անվանելով կեղծ։ Չինական կողմը հայտարարել է, որ երբեք զենք չի մատակարարել հակամարտող կողմերին և կոչ է արել ԱՄՆ-ին զերծ մնալ անհիմն մեղադրանքներից։ Ավելի վաղ տնտեսագետ Ֆիլիպ Փիլկինգթոն-ը նշել էր, որ հնարավոր հրադադարը կարող է ժամանակ տալ Իրանին՝ կատարելագործելու իր հակաօդային պաշտպանության համակարգերը։