Reuters․ Հորմուզի նեղուցում նավագնացությունը գրեթե կանգ է առել՝ ԱՄՆ–Իրան հրադադարից հետո

Հորմուզի նեղուցում նավագնացությունը շարունակում է մնալ զգալիորեն սահմանափակ՝ չնայած ԱՄՆ-ի և Իրան-ի միջև ձեռք բերված հրադադարին։ Այս մասին հայտնում է Reuters-ը՝ նշելով, որ ապրիլի 8-ից հետո նեղուցով անցել է ընդամենը մոտ 15 նավ, մինչդեռ նախկինում այդ թիվը միջինում հասնում էր 138-ի։

Տվյալների համաձայն՝ հարյուրավոր տանկերներ և բեռնատար նավեր շարունակում են մնալ շրջափակված Պարսից ծոցում՝ զգալիորեն կրճատելով համաշխարհային նավթի մատակարարումները՝ մինչև 20 տոկոս։ Իրանը միաժամանակ փորձում է վերահսկել նավագնացությունը՝ սահմանելով հատուկ երթուղիներ և զգուշացնելով նավերին շարժվել իր տարածքային ջրերով՝ խուսափելու ականապատված գոտիներից։ Նշվում է, որ նոր կանոնները վերաբերում են հատկապես Լարակ կղզու շրջակայքին։

Միևնույն ժամանակ միջազգային լարվածությունը պահպանվում է․ որոշ աղբյուրների համաձայն՝ Թեհրանը կարող է սահմանել վճար նեղուցով անցնող նավերի համար, ինչը կտրուկ մերժվել է արևմտյան երկրների կողմից։ ԱՄՆ նախագահ Դոնալդ Թրամփ-ը նախազգուշացրել է Իրանին նման քայլերից, իսկ իրավիճակը արդեն հանգեցրել է համաշխարհային էներգետիկ ճգնաժամի խորացման և նավթի գների մոտ 50 տոկոս աճի։