Ձերբակալվել է 30 տարի գործող ռուական քաղաքի ամենահանցավոր խումբը

Ռուսաստանի Նիժնի Տագիլ քաղաքում հատուկջոկատայինները ձերբակալել են հանցավոր խումբ, որը տասնամյակներ շարունակ ահաբեկել էր բնակիչներին։ Այս մասին հայտնում է E1.ru-ը՝ նշելով, որ խումբը զբաղվել է սպանություններով, շորթումներով և այլ ծանր հանցագործություններով։

Ըստ հրապարակման՝ խոսքը «Ֆորտունա» անվամբ խմբավորման մասին է, որը գործել է դեռ 1997 թվականից։ Կասկածյալները հինգ հոգի են, որոնց նկատմամբ արդեն հարուցվել են քրեական գործեր։ Քննության տվյալներով՝ խմբի անդամներից մեկը կապված է նաև ավելի վաղ՝ 1994 թվականին կատարված սպանությունների և սպանության փորձի հետ։

Նշվում է, որ հանցավոր ցանցը շարունակել է գործունեությունը մինչև ղեկավարների ձերբակալությունը 2025 թվականին։ Իրավապահները շարունակում են հետաքննությունը՝ պարզելու խմբի գործունեության ամբողջ ծավալը և հնարավոր այլ մասնակիցներին։