58-ամյա Նիկոլ Քիդմանը թափանցիկ կիսաշրջազգեստով ներկայացել է սերիալի պրեմիերային

Ավստրալացի-ամերիկացի դերասանուհի Նիկոլ Քիդմանը հայտնվել է հանրության ուշադրության կենտրոնում՝ ներկայանալով համարձակ կերպարով։ Այս մասին հայտնում է Page Six-ը։

Դերասանուհին մասնակցել է Նյու Յորքում կայացած «Մարգոյի խնդիրները փողի հետ» կատակերգական սերիալի պրեմիերային՝ ներկայանալով Schiaparelli բրենդի զգեստով։ Նրա կերպարը ներառում էր թափանցիկ միդի երկարության կիսաշրջազգեստ՝ սև-սպիտակ նախշերով, ինչպես նաև բոդի, բաց կոշիկներ և զարդեր՝ ապարանջանների, մատանիների և ականջօղերի տեսքով։

Սթայլիստները դերասանուհու մազերը հավաքել էին բարձր փնջի մեջ՝ թողնելով մի քանի թափվող փունջ, իսկ դիմահարդարները ընտրել էին նուրբ՝ բնական երանգներով դիմահարդարմամբ։ Ավելի վաղ հաղորդվել էր, որ Քիդմանը հանդես է եկել նաև համարձակ ֆոտոշարքով՝ Variety ամսագրի համար։