Սիրիական զորքերը գրոհում են Համայի ապստամբների ուղղությամբ

Սիրիայի ռազմաօդային ուժերի ինքնաթիռները հարվածներ են հասցնում երկրի արևմուտքում` Համա քաղաքի մոտակա գյուղերի տեղանքում ապաստանած ապստամբ գրոհայիններին. հայտնում է Ալ Ջազիրան:

Հեռուստաընկերությունը նշում է, որ տեղանքը ենթարկվում է ուժգին կրակահերթի, քանի որ Դամասկոսը փորձում է հետ գրավել այն շրջանները, որտեղ նախքան ապստամբների ժամանելը ապրում էին կառավարամետ ալավիկան զանգվածներ:

Ալ Ջազիրայի տեղեկություններով՝ ավիահարվածների պատճառով հազարավոր տեղաբնկիներ շուտափույթ կերպով լքում են իրենց տները:

Իր հերթին Լոնդոնում տեղակայված Սիրիայում մարդու իրավունքների դիտարանը հայտնում է, որ երկուշաբթի օրը կառավարական զորքերի և ապստամբների միջև բախումներ են տեղի ունեցել նաև Դամասկոսի հարավում գտնվող Քադամի շրջանում: