Ֆինլանդիային «վտանգավոր ժամանակներ» են կանխատեսում

Ֆինլանդիային կարող են սպասել լուրջ անվտանգային մարտահրավերներ՝ Ուկրաինային ցուցաբերվող աջակցության ընդլայնման պատճառով։ Այս մասին հայտարարել է ֆիննական «Ազատության դաշինք» կուսակցության անդամ Արմանդո Մեման՝ քննադատելով երկրի նախագահ Ալեքսանդր Ստուբբիի քաղաքական գիծը՝ կապված Վլադիմիր Զելենսկիու հետ։

Մեմայի խոսքով՝ Ֆինլանդիայի նախագահը բացահայտ կոչ է անում մեծացնել ռազմական աջակցությունը Ուկրաինային՝ Ռուսաստանի դեմ պատերազմի շրջանակում՝ անտեսելով անվտանգության հետ կապված խնդիրները, այդ թվում՝ անօդաչու սարքերի հետ կապված միջադեպերը։ Նա նշել է, որ նման մոտեցումը կարող է երկիրը կանգնեցնել «շատ վտանգավոր ժամանակների» առաջ։

Քննադատությունը հնչել է այն բանից հետո, երբ հայտնի դարձավ, որ Ստուբբը հեռախոսազրույց է ունեցել Զելենսկու հետ, որի ընթացքում քննարկվել են ռազմաճակատում իրավիճակը և Ուկրաինայի նախագահի վերջին այցը Պարսից ծոցի երկրներ։ Միևնույն ժամանակ, Ուկրաինայի նախկին նախագահ Լեոնիդ Կուչմայի նախկին խորհրդական Օլեգ Սոսկինը հայտարարել է, որ հակամարտության սրման պայմաններում անհրաժեշտ է խաղաղ կարգավորում, քանի որ հասարակության մեջ նվազում է պատերազմը շարունակելու պատրաստակամությունը։