«Էյֆորիա» սերիալի աստղը հայտնվել է սկանդալի կենտրոնում

Հիթային Էյֆորիա սերիալի ստեղծողները և դերասանուհի Սիդնի Սուինին հայտնվել են կոշտ քննադատության թիրախում՝ նոր սեզոնի գովազդային կադրերի պատճառով։ Ըստ TMZ-ի՝ համացանցում տարածված տեսարաններում Սուինիի կերպարը ներկայացված է սադրիչ ձևով՝ մանկան կերպարում և ծայրահեղ բաց տեսարաններով, ինչը մեծ աղմուկ է բարձրացրել։

Տեսարանները, որոնք հրապարակվել են երրորդ սեզոնի պրեմիերայից առաջ, շոկի են ենթարկել ինչպես քննադատներին, այնպես էլ սերիալի մի շարք երկրպագուների։ Սոցցանցերում բազմաթիվ օգտատերեր մեղադրել են հեղինակներին և դերասանուհուն մանկահասակների սեքսուալացման, ինչպես նաև պեդոֆիլիայի «ռոմանտիզացման» մեջ՝ համարելով ներկայացված մոտեցումը անընդունելի։

Մինչ այս պահը ոչ սերիալի ստեղծողները, ոչ էլ Սուինին պաշտոնական արձագանք չեն տվել բարձրացված մեղադրանքներին։ Հիշեցնենք, որ դերասանուհին նախկինում ևս հայտնվել էր քննադատության կենտրոնում՝ իր գովազդային արշավներից մեկի պատճառով, երբ նրան մեղադրել էին ռասիզմի մեջ՝ «լավ գեներ» արտահայտության կիրառման համար։