Ուգանդայի պաշտպանության նախարարը սկանդալային պահանջ է ներկայացրել Թուրքիային

Ուգանդայի պաշտպանության նախարար և բանակի հրամանատար Մուհուզի Կայներուգաբան աղմկահարույց հայտարարություն է արել՝ դիմելով Թուրքիային։ Նա իր սոցիալական էջում գրել է, որ Թուրքիայից ցանկանում է ստանալ մեկ միլիարդ դոլար և «երկրի ամենագեղեցիկ կնոջը»՝ նրան ամուսնանալու նպատակով։ Թեև գրառումը հետագայում ջնջվել է, այն արդեն լայն տարածում է գտել համացանցում։

Նույն օրը Կայներուգաբան նաև խոստովանել է, որ զգուշանում է այն երկրներից, որոնք ունեն միջուկային զենք, այդ թվում՝ Ռուսաստանից։ Նրա խոսքով՝ նման պետությունների հետ հակամարտության մեջ մտնելը վտանգավոր է, և դրանց նկատմամբ պետք է ցուցաբերել առավելագույն հարգանք։

Բացի այդ, նախարարն առանձնացրել է մի շարք երկրներ, որոնց զինվորներին գնահատում է՝ ներառելով Միացյալ Նահանգները, Մեծ Բրիտանիան, Իսրայելը, Չինաստանը և այլ պետություններ։ Ավելի վաղ Կայներուգաբան ևս մեկ հակասական հայտարարություն էր արել՝ նշելով, որ տղամարդիկ, որոնք ամուսնության առաջարկ են անում ծնկի իջնելով, պետք է պատժվեն, քանի որ այդ ավանդույթը, ըստ նրա, «օտարածին մշակութային ազդեցություն» է։