Ֆրանսիայի ԱԳՆ․ Փարիզը կմասնակցի Հորմուզի նեղուցի ապաշրջափակմանը հակամարտությունից հետո

Ֆրանսիան պատրաստ է աջակցել Հորմուզի նեղուցի բացման գործողությանը միայն Մերձավոր Արևելքի հակամարտության կարգավորումից հետո, հայտարարել է Ֆրանսիայի արտաքին գործերի նախարարության Եվրոպայի հարցերով նախարար Բենջամին Հադդադը։

Ավելի վաղ ԱՄՆ նախագահ Դոնալդ Թրամփը հայտարարել էր Հորմուզի նեղուցի շրջափակման մասին։ Truth Social սոցիալական հարթակում արված գրառման մեջ նա նշել էր, որ ԱՄՆ ռազմածովային ուժերը «անմիջապես կսկսեն նեղուց մտնել կամ դուրս գալ փորձող ցանկացած նավի արգելափակման գործընթացը» և սպառնացել էր կոշտ պատասխան տալ Իրանի կողմից հարձակումների դեպքում։

«Մենք հանձնառու ենք Մերձավոր Արևելքում լարվածության թուլացմանը և բանակցություններին։ Անհրաժեշտ է գտնել Իրանի միջուկային ծրագրի դիվանագիտական ​​լուծում և ռազմական գործողություններից հետո ապահովել Հորմուզի նեղուցում նավագնացության վերսկսումը։ Սա տեղի չի ունենա ռազմական գործողությունների ժամանակ, այլ պատերազմից հետո», - Հադդադի խոսքերն է մեջբերել TF1-ը։