Հունգարացիները պետք է մտահոգված լինեն Եվրահանձնաժողովի արձագանքով․ Ֆրանսիացի քաղաքական գործիչ Լե Պեն

Ֆրանսիական «Ազգային միավորում» խորհրդարանական խմբակցության ղեկավար Մարին Լը Պենը կարծում է, որ հունգարացիները պետք է մտահոգված լինեն Հունգարիայի խորհրդարանական ընտրություններին Եվրահանձնաժողովի արձագանքով։ Նա այս մասին հայտարարել է սոցիալական ցանցերում։

«Եվրահանձնաժողովի կողմից արտահայտված գոհունակությունը, որը մշտապես գերազանցում է իր մանդատն ու իրավասությունը՝ ի վնաս ժողովուրդների ինքնիշխանության, պետք է հունգարացիներին մտահոգի այս ազատության պահպանման համար, որը նրանք պաշտպանել են մեծ գնով այդքան տարիներ», - գրել է քաղաքական գործիչը։