WSJ. Նավատերերը չեղարկում են Հորմուզի նեղուցով նավարկությունները ԱՄՆ սպառնալիքների ֆոնին

Նավատերերը և միջնորդները չեղարկում են բեռնափոխադրումները Հորմուզի նեղուցով՝ ԱՄՆ-ի կողմից Իրանի նկատմամբ ռազմածովային շրջափակում կիրառելու սպառնալիքի ֆոնին, հաղորդում է The Wall Street Journal-ը (WSJ)՝ հղում անելով շուկայի մասնակիցներին, որոնց հետ հարցազրույց է անցկացրել։

Հրատարակության համաձայն՝ նեղուցում ստեղծված իրավիճակի կարգավորման վերաբերյալ սկզբնական լավատեսությունը, որը սկիզբ է առել հրադադարի պայմանավորվածությունից, զիջել է լարվածությանը՝ ամերիկյան նոր սպառնալիքների պատճառով։ Նավատերերը չգիտեն, թե ինչպես են գործելու նեղուցի տարանցիկ ընթացակարգերը։ Ընկերությունները նաև վախենում են, որ այժմ ստիպված կլինեն իրենց նավերի անցումը նեղուցով համակարգել ոչ միայն Իրանի, այլև Միացյալ Նահանգների հետ։

Այս ֆոնին շատ ընկերություններ չեղարկում կամ հետաձգում են իրենց նավերի մեկնումները։ Օրինակ՝ մեկ հույն նավատեր ներկայումս տատանվում է իր չորս նավերը Պարսից ծոցի երկրներ ուղարկելու հարցում՝ Չինաստան և Սինգապուր շարունակելու համար։ Եթե առաջիկա օրերին անորոշությունը շարունակվի, ընկերությունը նավերը կվերադարձնի։ China Cocso Shipping-ը նույնպես սպասում է Հորմուզի նեղուցում նավագնացության վերաբերյալ նոր տեղեկատվության։ Ընկերությունը հինգ սուպերտանկեր ունի, որոնք մնացել են նեղուց մտնելուց անմիջապես առաջ։