Ալցհայմերի հիվանդության անսպասելի վաղ նշան է հայտնաբերվել

Հոտառության խանգարումները կարող են լինել Ալցհայմերի հիվանդության վաղ նախանշաններից մեկը։ Այս եզրակացության են եկել գիտնականները՝ հրապարակելով իրենց հետազոտությունը Molecular Psychiatry ամսագրում՝ նշելով, որ փոփոխությունները կարող են ի հայտ գալ դեռ մինչև հիշողության ակնհայտ վատթարացումը։

Հետազոտողները վերլուծել են սկզբնական կոգնիտիվ խանգարումներ ունեցող մարդկանց ՄՌՏ տվյալները և հայտնաբերել, որ թուլանում են ուղեղի այն հատվածների միջև կապերը, որոնք պատասխանատու են հոտառության և հիշողության համար։ Մասնավորապես, խաթարվում է հոտառական կեղևի և որոշումներ ընդունելու ու հիշողության ձևավորման հետ կապված շրջանների փոխազդեցությունը։

Լրացուցիչ փորձերը ցույց են տվել, որ այս փոփոխությունները կապված են նեյրոնների միջև ազդակների փոխանցման խանգարման հետ, ինչը կարող է ազդել հոտերի հետ կապված հիշողությունների ձևավորման վրա։ Գիտնականների գնահատմամբ՝ նման փոփոխությունները կարող են օգնել ավելի վաղ ախտորոշել հիվանդությունը և ապագայում նպաստել նոր բուժման մեթոդների մշակմանը։