Ռուսաստանը պահպանում է նավթի գլխավոր մատակարարի դիրքը ԲՐԻԿՍ-ի երկու խոշոր երկրներում

Ռուսաստանը շարունակում է մնալ նավթի հիմնական մատակարարը ԲՐԻԿՍ-ի առանցքային շուկաներում՝ Չինաստանում և Հնդկաստանում։ ՕՊԵԿ-ի տվյալներով՝ 2026 թվականի փետրվարին Հնդկաստանի կողմից ռուսական նավթի ներմուծումը հասել է մոտ մեկ միլիոն բարելի օրական ցուցանիշի, ինչի շնորհիվ Մոսկվան կրկին զբաղեցրել է առաջին տեղը մատակարարների շարքում՝ առաջ անցնելով Սաուդյան Արաբիայից և Իրաքից։

Չինաստանի դեպքում նույնպես Ռուսաստանը շարունակում է պահպանել առաջատար դիրքերը։ Փետրվարին երկիրը օրական ներմուծել է շուրջ 12,5 միլիոն բարել ռուսական նավթ, ինչը կազմել է ընդհանուր ներմուծման մոտ 22 տոկոսը։ Չնայած ցուցանիշը փոքր-ինչ նվազել է հունվարի համեմատ, Ռուսաստանը շարունակում է մնալ հիմնական խաղացողը, մինչդեռ Սաուդյան Արաբիան ապահովել է մոտ 14 տոկոս, իսկ Բրազիլիան և Մալայզիան՝ շուրջ 10-ական տոկոս։

Փորձագետները կանխատեսում են, որ առաջիկա ամիսներին Չինաստանը կարող է նվազեցնել Սաուդյան Արաբիայից նավթի ներկրումը՝ գրեթե կրկնակի։ Այս պայմաններում չինական էներգետիկ ընկերությունները, հավանաբար, կվերաուղղվեն այլ մատակարարների, ինչը կարող է էլ ավելի ամրապնդել Ռուսաստանի դիրքերը համաշխարհային էներգետիկ շուկայում։