Մերձավոր Արևելքը միլիարդավոր կորուստների առաջ է կանգնած․ զբոսաշրջությունը կտրուկ անկում է ապրում

Պարսից ծոցի երկրները կարող են կորցնել մինչև 32 միլիարդ դոլար՝ զբոսաշրջության կտրուկ նվազման և տարածաշրջանային ճգնաժամի պատճառով։ Այս մասին հայտարարել է Պարսից ծոցի արաբական պետությունների համագործակցության խորհուրդի գլխավոր քարտուղար Ջասեմ Ալ-Բուդայվին՝ ընդգծելով, որ իրավիճակը լուրջ հարված է հասցրել տարածաշրջանի տնտեսությանը։

Նրա խոսքով՝ Մերձավոր Արևելքի լարվածությունը կարող է հանգեցնել 8-ից 19 միլիոն զբոսաշրջիկի կորստի, ինչը նշանակում է մինչև 13-32 միլիարդ դոլարի չստացված եկամուտ։ Հատկապես տուժում է զբոսաշրջության ոլորտը, որը տարածաշրջանի երկրների համար կարևոր եկամտի աղբյուր է։