Խաբեություն «գազի արտահոսքի ստուգման» անվան տակ․ զգուշացնում են նոր վտանգի մասին

Ռուսաստանում աճել են խարդախության դեպքերը, որոնք ներկայացվում են որպես գազի արտահոսքի ստուգում։ Այս մասին հայտնել են «Մոշելովկա» հարթակի մասնագետները՝ նշելով, որ խաբեբաները օգտվում են գարնանը անցկացվող պլանային ստուգումներից և փորձում են մոլորեցնել բնակիչներին։

Խարդախները, սովորաբար, ներկայանում են բազմաբնակարան շենքերի բնակարանների դռները՝ կեղծ համազգեստով և փաստաթղթերով, ներկայանալով որպես գազային ծառայությունների աշխատակիցներ։ Նրանք հայտարարում են, թե բնակարանում կա գազի արտահոսք կամ խախտումներ և պահանջում են շտապ փոխել սարքավորումները՝ առաջարկելով ծառայություններ ու սարքեր բարձր գներով և պահանջելով վճարում տեղում կամ փոխանցումով։

Մասնագետները հիշեցնում են, որ իրական կոմունալ ծառայությունները երբեք սարքավորումներ չեն վաճառում դռնից դուռ և չեն պահանջում տեղում վճարում։ Բոլոր վճարումները կատարվում են պաշտոնական եղանակով՝ հաշվարկային փաստաթղթերով։ Կասկածի դեպքում խորհուրդ է տրվում անմիջապես դիմել ոստիկանություն և կապ հաստատել սպասարկող ընկերության հետ՝ ստուգելու համար այցելության իսկությունը։