Առաջադրումների փուլը մեկնարկել է, բայց գրանցվողներ դեռ չկան

Խորհրդարանական ընտրություններին առաջադրումների փուլը մեկնարկել է, սակայն առաջին իսկ օրը քաղաքական ուժերից ոչ մեկը չշտապեց անհրաժեշտ փաստաթղթերը ներկայացնել Կենտրոնական ընտրական հանձնաժողով։ Թեև գործընթացը պաշտոնապես սկսվել է, իրական պայքարը դեռ սպասման ռեժիմում է։ Այս պահի դրությամբ հունիսի 7-ի ընտրություններին մասնակցելու մասին հայտարարել է 14 քաղաքական ուժ՝ 2 դաշինք և 12 կուսակցություն։ Վերջնական պատկերը կհստակեցվի ապրիլի 23-ին՝ առաջադրումների վերջնաժամկետից հետո։