Բացահայտվել է Երկրին մոտեցող աստերոիդների թիվը

Երկրին մոտեցող մոտ 40 հազար աստերոիդ է հայտնաբերվել այսօրվա դրությամբ։  Գիտնականների խոսքով՝ ընդհանուր առմամբ Արեգակնային համակարգում բացահայտվել է ավելի քան մեկ միլիոն աստերոիդ։ Դրանց մեծ մասը գտնվում է Գլխավոր աստերոիդային գոտում՝ Մարսի և Յուպիտերի ուղեծրերի միջև։

Միևնույն ժամանակ առանձնացվում է հատուկ խումբ՝ Երկրին մոտեցող աստերոիդներ, որոնց թիվը արդեն հասնում է շուրջ 40 հազարի, և դրանց հայտնաբերման գործընթացը շարունակում է արագ տեմպերով։

Այս աստերոիդները տարբեր չափերի են․ խոշորներից որոշների տրամագիծը գերազանցում է մեկ կիլոմետրը։ Գիտնականները նաև նշում են, որ դրանց մի մասը համարվում է պոտենցիալ վտանգավոր․ դրանք այն օբյեկտներն են, որոնք կարող են մոտենալ Երկրին մինչև 7.5 միլիոն կմ հեռավորության վրա։ Նման խոշոր (1 կմ-ից մեծ) պոտենցիալ վտանգավոր աստերոիդների թիվը ներկայում կազմում է մոտ 154։