Հայտնի է դարձել բնակարանային հաշվիչների ծառայության ժամկետը

Բնակարաններում տեղադրված գազի և ջրի հաշվիչների ծառայության ժամկետը կազմում է միջինը 10-12 տարի։ ՌԻԱ Նովոստիի փոխանցմամբ՝ այս մասին հայտնել է Մոսկվայի քաղաքային տնտեսության դեպարտամենտի փոխղեկավար Սեմյոն Ռախմանովը՝ նշելով, որ ժամանակին փոխարինումը թույլ է տալիս խուսափել սխալ հաշվարկներից և սարքերի անսարք աշխատանքից։

Նրա խոսքով՝ հաշվիչների փոխարինման հիմնական պատճառներն են սարքի խափանումը կամ ծառայության ժամկետի ավարտը։ Դրա համար բնակիչները պետք է դիմում ներկայացնեն համապատասխան կազմակերպությանը կամ կառավարող ընկերությանը և սպասեն պլանային աշխատանքների։ Ռախմանովը նաև զգուշացրել է, որ նման գործընթացների ժամանակ կարող են հանդիպել խաբեբաների, և ընդգծել, որ իրական մասնագետները այցելում են միայն նախապես գրանցված հայտի հիման վրա։

Մասնագետի տվյալներով՝ էլեկտրաէներգիայի հաշվիչները կարող են ծառայել մինչև 30 տարի, ջրի հաշվիչները՝ մոտ 12 տարի, իսկ գազի հաշվիչների ծառայության ժամկետը կազմում է 10-12 տարի։ Նա հավելել է, որ տարբեր սարքերի փոխարինումը իրականացվում է համապատասխան ոլորտային կազմակերպությունների կողմից։