«Ժողովուրդ». Ինչ ունեցվածք ունի Տավուշի փոխմարզպետ Արթուր Հովակիմյանը

«Ժողովուրդ» թերթը գրում է. «Արթուր Հովակիմյանը Տավուշի մարզպետի տեղակալի պաշտոնը զբաղեցնում է 2020 թվականի հոկտեմբերի 29-ից։ Մինչ այդ նա երկար տարիներ ծառայել է ուժային կառույցներում. 1990-1992 թթ․ եղել է Իջևանի վաշտի հրամանատար, 1992-1993 թթ.՝ սահմանապահ զորքերի պարետի տեղակալ, ապա պարետ, 1993-1994 թթ.՝ զորամասի հրամանատարի տեղակալ, 1994-1997 թթ.՝ Իջևանի կայազորի զինվորական ոստիկանության բաժնի պետ, 1997-1998 թթ.՝ զորամասի հրամանատարի տեղակալ, 1998-2001 թթ.՝ ՌՈ Իջևանի բաժնի պետ, 2001-2004 թթ.՝ ավագ սպա, 2004-2012 թթ.՝ զորամասի հրամանատարի տեղակալ, 2012-2016 թթ.՝ Իջևանի զինվորական կոմիսար, 2016-2019 թթ.՝ ԱԻՆ փրկարար ծառայության ՓՎ պետ։ 

«Ժողովուրդ» օրաթերթը ուսումնասիրեց նաև փոխմարզպետի տարբեր տարիների հայտարարագրերը՝ պարզելու համար, թե ինչպես է փոփոխվել Հովակիմյանի ունեցվածքը պաշտոնի նշանակվելուց ի վեր։

«Ժողովուրդ» օրաթերթի ուսումնասիրության արդյունքում պարզվեց, որ 2025 թվականին Հովակիմյանը հայտարարագրել է 5 անշարժ գույք՝ հողամաս՝ Տավուշ, Դիլիջան (24/12/2014, գնում), բնակարան՝ Տավուշ, Իջևան (07/12/2007, նվիրատվություն), հողամաս՝ Տավուշ, Իջևան (02/10/2014, համատեղ, գնում), հողամաս՝ Տավուշ, Իջևան (10/10/2014, գնում), հողամաս՝ Տավուշ, Իջևան (26/12/2025, գնում) - նոր ձեռքբերում։ Փոխնախարարը 2025 թվականին հողամաս է ձեռք բերել Իջևան քաղաքում 1.474.000 դրամով։ 

Փոխմարզպետը հայտարարել է երկու տրանսպորտային միջոց՝ GAZ, 1963 թ., ձեռք բերված 23/02/2024, UAZ, ձեռք բերված 17/04/2013։

«Ժողովուրդ» օրաթերթը նաև պարզեց, որ 2025 թվականին Հովակիմյանի բանկային հաշիվներում առկա է եղել 3,142,179 դրամ, կանխիկ դրամը՝ 8,000,000 դրամ։ Նրա տարեկան եկամուտը կազմել է 15,224,810 դրամ, որից 13,052,810 դրամը՝ աշխատավարձ, 2,172,000 դրամը՝ կենսաթոշակ։

2024 թվականին բանկային հաշիվներում գումար չի արձանագրվել, սակայն առկա են եղել կանխիկ գումարներ։ Մասնավորապես, թվային պատկերը հետևյալն է՝ բանկային հաշիվներ՝ 0 դրամ, կանխիկ դրամ՝ 8,000,000 դրամ, եկամուտ՝ 12,433,150 դրամ, վարկ՝ 4,626,079 դրամ։

2023 թվականին էլ արձանագրվել է հետևյալ պատկերը. բանկային հաշիվներ՝ 1,545,684 դրամ, կանխիկ դրամ՝ 3,000,000 դրամ, եկամուտ՝ 13,787,097 դրամ, վարկ՝ 5,523,267 դրամ։

Նշվում է նաև, որ 2022 թվականին բանկային հաշիվներում կանխիկ գումար չի հայտարարվել. բանկային հաշիվներ՝ 0 դրամ, կանխիկ՝ 3,000,000 դրամ, եկամուտ՝ 12,159,653 դրամ, վարկ՝ 5,304,062 դրամ։

2021 թվականի ընդհանրական պատկերը հետևյալն է. բանկային ավանդներ՝ 3,100,000 դրամ, բանկային հաշիվներ՝ 329,671 դրամ, կանխիկ դրամ՝ 3,000,000 դրամ, եկամուտ՝ 13,649,613 դրամ, վարկ՝ 1,086,200 դրամ։

Թվերի և առկա փաստերի ուսումնասիրության արդյունքում «Ժողովուրդ» օրաթերթը պարզեց, որ տարիների ընթացքում Հովակիմյանի՝ եկամուտները տատանվել են 12,159,653 դրամից մինչև 15,224,810 դրամ, կանխիկ միջոցները աճել են 3,000,000 դրամից մինչև 8,000,000 դրամ, վարկային պարտավորությունները սկզբում աճել են մինչև 5,523,267 դրամ, ապա նվազել մինչև 2,360,430 դրամ։ Միաժամանակ, 2025 թվականին նա ավելացրել է իր գույքը՝ ձեռք բերելով ևս մեկ հողամաս Իջևանում»։