Առնակ Ավետիսյանը և Նայլ Շիեյրինին քննարկել են համայնքային բարեփոխումների և ապակենտրոնացման հարցերը

 

Նախարարի տեղակալը ողջունել է հյուրերին՝ շնորհակալություն հայտնելով համայնքային բարեփոխումներին ուղղված շարունակական աջակցության համար։

 

Ներկայացնելով իրականացված համայնքային բարեփոխումները՝ նախարարի տեղակալն ընդգծել է, որ համայնքային խոշորացման ևս մեկ փուլ է նախատեսվում իրականացնել, քանի որ գործընթացի արդյունավետությունը գործնականում տեսանելի է։

 

Խոսելով համայնքների ապակենտրոնացման, ինչպես նաև համայնքների կարողությունների բարելավման մասին՝ նախարարի տեղակալը շեշտել է, որ ՀՀ-ն կարևորում է ԵԽ-ի հետ համագործակցությունը, քանի որ միջազգային լավագույն փորձի կիրառումը կօգնի խուսափել բարեփոխումների իրագործելիության փակուղուց։

 

 Եվրոպայի խորհրդի տեղական և տարածքային իշխանությունների կոնգրեսի բազմամակարդակ կառավարման փորձագիտական կենտրոնի ղեկավարի տեղակալ Նայլ Շիեյրինին հաստատել է ԵԽ պատրաստակամությունը շարունակական աջակցություն տրամադրելու հարցում։