Արհեստական բանականությունը՝ գործիք, թե կառավարիչ. վերլուծական

Արհեստական բանականությունը ստեղծել են մարդիկ, բայց դրա զարգացումը այն կետին է հասել , որ համակարգերը կարող են աշխատել ինքնուրույն՝ առանց մարդու միջամտության, կարող են տալ պատասխաններ, որոնք գեներացնում են նեյրոցանցերը։
Մարդկության միտքը սկսեց աշխատել ոչ միան ինքնուրույն, այլ նաև նեյրոցանցերի օգնությամբ, երբ 2022 թվականին ստեղծվեց ChatGPT հավելվածը, որը կատարելագործվում է ամեն օր։ Սակայն արդյո՞ք պետք է ամեն ինչում դիմել արհեստական բանականության օգնությանը: Սա այն հարցն է, որը մարդիկ հազվադեպ են հնչեցնում և մարդկային բանականությանը թույլ են տալիս զիջել իր տեղը։

Այն պարզապես գործիք չէ: Այն այժմ վերածվում է մի ուժի, որը կարող է գործել մարդու վերահսկողությունից դուրս։
OpenAI-ը նշում է, որ մարդկանց մեծամասնությունը արհեստական բանականությունը ընկալում է՝ որպես չաթբոտ կամ պարզապես որոնման համակարգ։ Սակայն իրականությունն այլ է. այսօր գոյություն ունեն AI համակարգեր, որոնք, չնայած որոշակի շտկվող թերություններին, կարողանում են անգամ գերազանցել ամենախելացի մարդկանց։
Հետաքրքիր է այն փաստը, որ ըստ OpenAI-ի՝ մարդիկ լիարժեք չեն տիրապետում այս համակարգին և օգտագործում են նրա չնչին տոկոսը, ինչն էլ ավելի վտանգավոր է թվում։

Ինչ վերաբերում է արհեստական բանականության վերահսկողությանը, ինչպես գրում է Ciol.com-ը, OpenAI-ի տնօրեն Սեմ Ալթմանը կարծում է, որ արհեստական բանականության նման հզոր տեխնոլոգիաները չպետք է գտնվեն որոշակի կազմակերպությունների վերահսկողության ներքո։ Նրա կարծիքով՝ կարևոր է, որ AI-ը հասանելի լինի ավելի շատ մարդկանց և զարգանա ավելի բաց ու արդար համակարգում։

Միևնույն ժամանակ, նա զգուշացնում է, որ AI ոլորտում մրցակցությունը մեծ թափ է հավաքել և այդ մրցակցությունը մարդկանց վրա մեծ ազդեցություն կարող է ունենալ․ այն կարող է ստիպել ընկերություններին և օգտատերերին ավելի ռիսկային որոշումներ կայացնել պարզապես մրցակիցներից առաջ անցնելու համար։

2025 թվականի հոկտեմբերին Սեմ Ալթմանը հայտնել է, որ ChatGPT-ն արդեն ունի շուրջ 800 միլիոն շաբաթական օգտատեր։

Այսօր արհեստական բանականությունը դեռևս գործիք է թվում մարդկանց ձեռքում, բայց վաղը կարող է լինել գործող ուժ, որին մարդկությունը ոչ թե կվերահսկի, այլ պարզապես կհետևի։