Թուրքական դպրոցում տեղի ունեցած հրաձգության հետևանքով չորս մարդ է զոհվել
Աշխարհ
Թուրքիայի Քահրամանմարաշ քաղաքի ավագ դպրոցում տեղի ունեցած կրակոցների հետևանքով զոհվել է չորս մարդ, վիրավորվել՝ 20-ը, հայտնել է նահանգապետ Մյուքերեմ Ունլյուերը։
Անհայտ զինված անձը կրակ է բացել Թուրքիայի արևելքում գտնվող Քահրամանմարաշ քաղաքի դպրոցում։
«Կրակոցների հետևանքով զոհվել է մեկ ուսուցիչ և երեք աշակերտ։ Վիրավորվել է առնվազն 20 մարդ», - լրագրողներին ասել է նահանգապետը։
Նրա խոսքով՝ հարձակվողը՝ աշակերտը, ինքնասպան է եղել։
«Նա դպրոց է եկել հինգ զենքով, որոնք, ըստ երևույթին, պատկանում են իր հորը՝ նախկին ոստիկանին», - բացատրել է Ունլուերը։
Երեքշաբթի օրը նախկին աշակերտը որսորդական հրացանով հարձակվել էր Թուրքիայի հարավ-արևելքում գտնվող Շանլըուրֆա նահանգում գտնվող ավագ դպրոցի վրա։ Միջադեպի հետևանքով վիրավորվել է տասնվեց մարդ, սակայն ոչ ոք չի զոհվել, երեքշաբթի օրը հայտարարել է նահանգապետ Հասան Շիլդակը։
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
