Al Jazeera . Պակիստանի բանակի հրամանատարը կմեկնի ԱՄՆ՝ միջնորդական ջանքեր գործադրելու համար

Պակիստանի զինված ուժերի գլխավոր շտաբի պետ Ասիմ Մունիրը Թեհրան կատարած այցից հետո կմեկնի Միացյալ Նահանգներ՝ ԱՄՆ-Իրան հակամարտության կարգավորման միջնորդական ջանքերի շրջանակներում, հաղորդում է  Al Jazeera -ն՝ հղում անելով իր աղբյուրին։

Ֆելդմարշալ Ասիմ Մունիրը և Պակիստանի ներքին գործերի նախարար Մոհսին Նաքվին գտնվում են Իրանում՝ Վաշինգտոնի և Թեհրանի միջև հակամարտության կարգավորման միջնորդական ջանքերը շարունակելու համար: Իրանի պետական ​​հեռարձակողի հաղորդմամբ՝ հինգշաբթի օրը իրանցի պաշտոնյաները պլանավորում են Թեհրան այցելող պակիստանյան պատվիրակության հետ մանրամասն քննարկել իրանա-ամերիկյան բանակցությունների ընթացքը և ԱՄՆ առաջարկները։

Ապրիլի 11-ին ԱՄՆ-ն և Իրանը Իսլամաբադում անցկացրել են մի քանի փուլով բանակցություններ: Թեհրանի և Վաշինգտոնի տվյալներով՝ կողմերը չեն կարողացել համաձայնության գալ հակամարտության երկարաժամկետ կարգավորման շուրջ՝ մի շարք տարաձայնությունների պատճառով: