FT. Լիբանանում հրադադարը կարող է ուժի մեջ մտնել այս շաբաթ
Աշխարհ
Լիբանանում հրադադարի մասին կարող է հայտարարվել շուտով և ուժի մեջ մտնել արդեն այս շաբաթ, հաղորդում է Financial Times (FT)-ը։
Երկու աղբյուրների հղումով, հրատարակությունը հաղորդում է, որ սա, ամենայն հավանականությամբ, տեղի կունենա այն բանից հետո, երբ իսրայելական ուժերը վերահսկողություն հաստատեն Լիբանանի հարավում գտնվող Բինտ Ջբեյլ սահմանային քաղաքի նկատմամբ:
Լիբանանցի անանուն պաշտոնյան թերթին ասել է, որ հրադադարը կներառի Իսրայելի հարվածների դադարեցում, բայց ոչ զորքերի դուրսբերում Լիբանանից։
Միևնույն ժամանակ, Լիբանանի կառավարության աղբյուրները հայտնել են, որ հրադադարի տևողությունը, հավանաբար, կապված կլինի ԱՄՆ-ի և Իրանի միջև գործող հրադադարի հետ:
Ավելի վաղ Միացյալ Նահանգները և Իսրայելը պնդում էին, որ Լիբանանի վրա հարվածների դադարեցումը չի ներառվել Վաշինգտոնի և Թեհրանի միջև կնքված համաձայնագրում: Իրանի և Պակիստանի պաշտոնյաները, որոնք միջնորդում են բանակցությունները, հակառակն են հայտարարել:
ՈՒՂԻՂ ԵԹԵՐ
Ամենադիտված 
«Գազպրոմ Արմենիա»-ն հայտարարություն է տարածել
