Telegraph. Մեծ Բրիտանիայում խանութներից գողությունները հինգ տարվա ընթացքում աճել են 133%-ով

Մեծ Բրիտանիայում խանութներից գողությունների դեպքերի թիվը վերջին հինգ տարիների ընթացքում աճել է 133%-ով կամ ավելի քան կրկնապատկվել է, ըստ The Daily Telegraph-ի՝ հղում անելով Լիբերալ դեմոկրատների կողմից վերլուծված Համայնքների պալատի գրադարանի տվյալներին։

Տվյալների համաձայն՝ նման հանցագործությունների թիվը 2020-21 թվականների 228,100-ից աճել է մինչև 2024-25 թվականների 530,500: Միևնույն ժամանակ, 2024-25 թվականներին ոստիկանությունը Անգլիայում և Ուելսում բացահայտել է նման հանցագործությունների միջինը միայն մոտ 19.8%-ը: Լոնդոնը ամենավատ ցուցանիշներ ունեցող քաղաքն է՝ նույն ժամանակահատվածում հանցագործներին հայտնաբերելով դեպքերի միայն 7%-ում: Մայրաքաղաքում խանութներից գողությունների դեպքերի թիվը եռապատկվել է՝ հասնելով 93,600 դեպքի՝ 2020-21 թվականների 31,000-ի համեմատ։

Կուսակցության խոսնակ Մաքս Ուիլկինսոնը նշել է, որ Լիբերալ դեմոկրատները բազմիցս կոչ են արել իշխանություններին ավելացնել ոստիկանների թիվը բրիտանական քաղաքների փողոցներում։ Խոսելով գողությունների մասին՝ նա նշեց, որ երկրի փոքր բիզնեսները «պարզապես չեն կարող թույլ տալ, որ սա շարունակվի», և որ քաղաքացիները «արժանի են ավելի լավի, քան խանութներից գողությունների աճը»։